Pages

Saturday, July 22, 2017

බා බා බා කතා වස්තුව


බා බා බා...........

මම වගේ මොන්ටිසෝරි පොඩි එකෙකුට එදා ජනාධිපති කෙනෙක් බය උනා.

බා බා බා..........

අපේ මොන්ටිසෝරියෙන් තංගල්ලෙ ට්‍රිප් එකක් ගිහිල්ලා එක තැනක බුල්ටො 17ක් කාලා, තව තැනක බුල්ටො 11ක් කෑවා. මගෙ වැඩ දන්නෑ එකෙක්.

බා බා බා............

තව තැනකදි නැන්දල මාමල මට අඬගහ ගහ වන්ඩු ආප්ප දුන්නා. එක තැනක වන්ඩු 7 යි තව තැනක ලොසින්ජර 13 කාල බුල්ටො 187කුත් කාලා කුකුල් පාලනේ උන්ඩුකපුච්චය මට තියෙනව හරිය?

බා බා බා..............

මතක තියා ගන්නලා, මම ඉස්සෙල්ලාම බොම්බයි මොටයි කෑවේ 1986 විජේකුමාරතුංග මාමයි කොල්වින් මාමයි එක්ක පෙරහැර බලන්න ගිහිල්ලා.

බා බා බා.............

මාත් එක්ක කුකුල් පාලනේ කරන්න බොලා හිතුව මදි බා බා බා...........

Thursday, June 29, 2017

මාලිංග ද? දයාසිරි ද?


බ්ලොග් එක පැත්තේ එන්න බැරි තරමට අවිවේකීයි. ඒත් පොඩි සටහනක් තියන්න හිතුවා. ක්‍රිකට් ක්‍රීඩාව අපේ රටේ ජනප්‍රියම ක්‍රීඩාව බවට පත් වෙලා තියෙන එක අමුතු දෙයක් නෙවෙයි. ඒ වගේම ක්‍රිකට් ක්‍රීඩාවෙදී කැපී පෙනෙන දස්කම් දක්වන ක්‍රීඩකයන්ට තියෙන්නෙත් අති විශාල ජනප්‍රියත්වයක්. ලසිත් මාලිංග කියන්නේ අපේ රටෙන් ක්‍රිකට් පිටියට බිහි වූ සුපිරිතම වේග පන්දු යවන්නෙක්. ඒ නිසාම ඔහුට ජනප්‍රියත්වයෙන් අඩුවක් තිබුනෙත් නෑ. නමුත් තව දෙයක් කියන්න තියෙනව. ලසිත් මාලිංග කොයි තරම් දක්ෂ ක්‍රීඩකයෙක් උනත් ක්‍රිකට් ක්‍රීඩාවෙදී අපේ රට වෙනුවෙන් ක්‍රීඩා කිරීම්ට ඔහු වැඩිම ප්‍රමුඛත්වය හැමවිට ලබා දුන්නය කියල කියන්නත් බෑ. ඒකට හේතුවකුත් තියෙනව. ලසිත් මාලිංග ක්‍රීඩාවෙදි ඔහුට ලැබෙන මුදල් ප්‍රමාණය ගැන වැඩි සැලකිල්ලක් දක්වන බව කාටත් පැහැදිලි දෙයක්. ඔහු අපේ රටේ ජාතික කණ්ඩායම නිල වශයෙන් සහභාගි වුන ඇතැම් ජාත්‍යන්තර ක්‍රිකට් තරග වලට සහභාගී වීමට අදි මදි කරමින් ඉන්දියාවේ අයි පී එල් එකට ක්‍රීඩා කරන්න වැඩි කැමැත්තක් දැක්වුවා. ඒ එක සිද්ධියක්. ඒවගේ දේවල් තවත් තියෙන්න ඇති. නමුත් ඔහු දක්ෂයෙක්. ඒ නිසාම ඔහුට විරුද්ධ චෝදනා වලට අභියෝග කරන්නත් ඔහුට හැකියාවක් වගේම හයියක් තිබුණා. ලසිත් මාලිංග ක්‍රිකට් ක්‍රීඩාවෙදී රට වෙනුවෙන් මීට වඩා කැපවෙනවනම් මාලිංගට ඇගිල්ල දික් කරන අයට උත්තර දෙන්නත් ලේසියි. අනෙක ක්‍රීඩාවෙදි යම් විනයක් පවත්වගන්න බලධාරීන් උත්සහ කරන එක වරදක් නෙවෙයි. ඒක ක්‍රීඩකයන්ට නරක බලපෑමක් කරන්නෙ නෑ. ලසිත් මාලිංගට ක්‍රීඩාවෙ චෝදනා එල්ල කරන අයට උත්තර දෙන්න පුළුවන් වෙන්නේ මාලිංග ක්‍රීඩාවෙන්ම නැවතත් තමන්ගේ සුපුරුදු දක්ෂතා අතරට පැමිණීමෙන් විතරයි.
               දයාසිරි ජයසේකර ඇමතිතුමාගේ ක්‍රියා කලාපය දෙස බලන්නට සිද්ද වෙන්නේ දේශපාලන ඇසින් නෙවෙයි. මම මේක කියන්නේ හේතුවක් ඇතුව. අද යහපාලන ආණ්ඩුව හැම පැත්තෙන්ම හැම එකාගෙම බයිට් එකට අහු වෙලා. දයාසිරි ක්‍රීඩා ඇමතිතුමාත් මේ යහපාලනේට මුක්කුව ගහලයි ඉන්නේ. ඉතින් යහපාලන විරෝධී මානසිකත්වෙන්ම් දයාසිරි ජයසේකර ඇමතිතුමාගේ වැඩ කටයුතු විවේචනය කරන්න මෙතනදි අපට බෑ. එහෙම උනොත් අපි යන්නෙත් මුලාවක. දයාසිරිම නොවුනත් වෙන කෙනෙක් ඔය ඇමතිකම කළත් ක්‍රීඩාවෙදි ක්‍රීඩකයන්ගේ විනයක් පවත්වාගෙන යන්න ඒ කෙනාටත් වගකීමක් තියෙනවා. ක්‍රිකත් ක්‍රීඩාවෙදි අපේ ක්‍රිකට් කණ්ඩායමටත් ඒක වලංගුයි. ඇමතිවරයා තමන් එක්ක හැප්පෙන්න එන ක්‍රීඩකයට එරෙහිව විතරක් විනය ක්‍රියාමාර්ග ගන්න යනවනම් ඒකේ වරදක් තියෙනවා. හැබැයි ලසිත් මාලිංගට තමන්ගේ පෙර දක්ෂතාවයනුයි ජනප්‍රියත්වයයි යොදාගෙන ක්‍රීඩා ඇමතිවරයාට අභියෝග කරන්න ඉඩක් දිය යුතුයි කියල හිතන එකත් හරි නෑ. මේ දෙපාර්ශවයම ක්‍රීඩාවට වැදගත් වගේම රටේ ක්‍රීඩාවේ කොටස්කාරයො. එකෙක් අනෙකාට අභියෝග කරන හැප්පෙන මානසිකත්වය වගේම හැල හැප්පිලි ගැටුම් වලින් පොදුවේ රටේ ක්‍රීඩාවට යහපතක් වෙන්නෙත් නෑ නේද? දයාසිරිගේ රිලා නැටුමයි මාලිංගගේ වේග පන්දුවයි සංසන්දනය කරන්න ගියොත් මාලිංග ඉදිරියෙන් බව ඇත්ත. නමුත් ක්‍රීඩා ඇමතිවරයෙකුට පැවරෙන රාජකාරීමය වගකීම් ඒ විදිහට සංසන්දනය කරන්න බෑ. මෙතනදි පෙනෙන්නට තියෙන කාරනේ තමයි ක්‍රීඩා ඇමතිතුමා වගේම මාලිංගත් අන්තෙට නොයා තම තමන්ගේ හරි වැරදි මොනවද කියල තේරුම් අරගෙන තම තමන්ගෙන් රටට සහ රටේ ක්‍රිකට් ක්‍රීඩාවට වෙන්න අවශ්‍ය දේ රටට කරයුතුයි කියන එක.

Saturday, June 10, 2017

සදාදරණීය කලාකරුවාණෙනි ඔබට නිවන් සුව!


වසර ගණනාවක් අප සැම ගීතයෙන් රසගන්වා අපෙන් සදහටම සමුගත් ප්‍රින්ස් උදයප්‍රියන්ත කලාකරුවාණෙනි ඔබට නිවන් සුව ලැබේවා.

Saturday, January 21, 2017

ජයවේවා ට්‍රම්ප්


මේ අවුරුද්දේ ජනවාරි 20 එක් පැත්තකින් ඇමරිකාවට වැදගත් වගේම අනෙක් පැත්තෙන් ලංකාවට වැදගත්. ඒ ඇමරිකාවේ ඩිමොක්‍රටික් පක්ෂයේ හිලරි ක්ලින්ටන් පරදවා ඇමරිකානු ජනාධිපතිවරණය ජයගත් කොන්සවේටිව් රිපබ්ලිකන් පක්ෂයේ ඩොනල්ඩ් ට්‍රම්ප් නිල වශයෙන් ඇමරිකාවේ නව ජනපති ලෙස දිවුරුම් දීම එදිනට යෙදී තිබුන නිසා. හිලරිගේ පරාජය හා ට්‍රම්ප්ගේ ජයග්‍රහනය ඇමරිකාවට වැදගත් උනේ හිලරිගේ ජාත්‍යන්තරවාදී ලිබරල් ප්‍රජාතාන්ත්‍රික ප්‍රතිපත්ති වලට වඩා ට්‍රම්ප්ගේ ජාතිකත්වවාදී ප්‍රතිපත්ති ඒ රටේ ජනතා සුබසිද්ධියට හා ජාතික ආරක්ෂාවට තීරනාත්මක වූ නිසයි. මේ බව තේරුම්ගත් ඇමරිකාවේ බුද්ධිමත් සැවොම ඩොනල්ඩ් ට්‍රම්ප් වටා රොක් වෙමින් ඔහුව ජනපති පුටුවට ඔසවා තැබුවා.
                     මේ සිද්ධියත් එක්ක යන එන මං නැති වෙච්ච තවත් කට්ටියක් ඉන්නව. අපේ ලංකාවට මේක බලපාන්නෙත් අන්න ඒ හේතුව උඩ. කෙටියෙන් කියනවනම් ජාත්‍යන්තරවාදී ලිබරල් ප්‍රජාතාන්ත්‍රික ප්‍රතිපත්ති කරපින්නාගත් හිලරි ලවා අපේ රටට බලපෑම් කරවන ගමන් ඊලාම් ගමන යන්න සූදානමින් හිටපු දෙමළ ජාතිවාදී සැට් එකට යන එන මං නැති වෙලා බලාපොරොත්තු සුන් උනා. යුරෝපා සංගමය එක්සත් ජාතීන්ගේ මානව හිමිකම් කණ්ඩායම වගේ හිලරිට පෑහෙන හැමෝම හිටියෙත් දෙමළ ජාතිවාදියාගේ පැත්තේ. අපරාදේ සිවාජිලිංගම් උන්නැහේ ගහපු පොල් ටික. අපේ හිටං හුටං වගේම රනිල් ගොයීය බලාපොරොත්තු උනෙත් හිලරි දිනයි කියලා. මේ ජෝඩුවගේ බලාපොරොත්තුත් සුන්. කොහොම උනත් අවසානයේ එකක්නම් පැහැදිලි උනා. ඒ තමයි රටේ ජාතිකත්වයට එරෙහි ජාතික හතුරු කණ්ඩායම් වල හැසිරීම අමතක වෙන තරමට දේසපාළුවන්ගේ බොරු ආටෝප කතා විශ්වාස කරන අපේ මෝඩ මහ ජනතාවට වඩා ලෝකෙ පුරා බොරුව රජ කරවන්න ගිය මාෆියා ජාත්‍යන්තර මාධ්‍ය ජාලයටම තදින් අතුල් පහරක් දීල ට්‍රම්ප් සමග ජාතිකත්වය ජයග්‍රහනය කරවපු බුද්ධිමත් ඇමරිකානුවන් අති විශිෂ්ඨයි කියන එක.

                       

Saturday, October 8, 2016

ගුවන්යානා හා හෙලිකොප්ටර් වල ක්‍රියාකාරිත්වය දැනගන්න.


                                                                   ගුවන්යානය


                                           හෙලිකොප්ටරය

Tuesday, August 30, 2016

නෙට්වර්ක් සිකියුරිටි හිටං හුටං


ලෝකප්‍රකට සිරි ලංකාවේ නායක හිටං තුමාගේ වෙබ් අඩවිය හොරෙකු විසින් හැක් කර ඇති බව වාර්තා වෙයි. බටහිර ලෝකයටත් ඉන්දියාවටත් මේ සිරි ලංකාවේ සිට අනගි සේවයක් කරන හිටං තුමාගේ වෙබ් අඩවිය හැක් කර එකා 17 වියැති පාසැල් සිසුවෙක් කියලයි ආරංචිය. සිසුවා දැන් නඩු අහනකල් ළමා නිවාසයකළු. මොනව උනත් ඉතින් කතාව ඇත්තනම් පොඩි කොල්ලා හැබෑම දක්ෂයෙකි. ඇයි ඉතින් ලෝකප්‍රසිද්ධ නායකයෙකුගේ වෙබ් අඩවියක් හැක් කරන එක ලේසි පහසු වැඩක්යෑ. ඇරත් එහෙවු මනුස්සයෙකුගේ නිල වෙබ් අඩවිය කිවුවහම ඕකේ සිකියුරිටි එකෙන් රිංගන එක මොන තරම් අමාරු වෙයිද? එහෙම බලනකොටනම් අර කොල්ලා කරල තියෙන්නේ පොඩි පහේ දෙයක් නෙවෙයි. ඒවගේම ඌට තියෙන්නෙත් පොඩි පහේ මොළයක් නෙවෙයි. ඇත්තටම බැළුවහමනම් හිටං ගොයියගේ වෙබ් එක හැක් කරන්න උවමනාව තියෙන්න ඕනේ මූ වගේ ඉස්කෝලෙ යන වයසේ එකෙකුට වඩා හිටං තුමාගේ දේසපාලන විරුද්ධවාදියෙකුට. ඔය කිවුවට අර කොල්ලගෙ දේසපාලනේ අපි දන්නවයෑ. සමහර විට ඌ මහින්ද උන්නැහේගේ ගෝලයෙක්ද කියලා අපේ වන් ශොට් අයියගෙන් දැනගන්න ඇහැකි වෙයි. කවුරුවත් මේක ගැන ඉන්ස්ටොන් ප්‍රවුත්ති සාකච්චාවක් තිබ්බෙ නැත්තේ මොකද මන්ද?
                            ඔක්කොම හරි කියමුකෝ හිටං තුමා වගේ ලෝකේ ප්‍රසිද්ධ නායකයෙකුගේ නිල වෙබ් අඩවිය මේන්ටේන් කරන අයි ටී උන්දැලාගේ දක්ෂතාවය ගැනත් පොඩි ගැටළුවක් තියෙනව හිටං. හිටං තුමා උන්නැහෙගේ වෙබ් එකට එබිකම් කරපු පොඩි එකා පස්සේ පන්නනව වගේ තමුන්ගේ නෙට්වර්ක් සිකියුරිටි එක බාර අයි ටී  උන්දැලාගේ මොළේ තරම ගැනත් හොයල බැලුවනම් තමයි වටින්නේ. ඒ තරමට අයි ටී අපි දන්නේ නැති උනත් සාමාන්‍ය ඔපිස් එකක උනත් කොම්පියුටර් පෙට්ටියකට හරි හමන් පාස්වර්ඩ් එකක් දාන එක සාමාන්‍ය දෙයක් කියල අපට තේරෙද්දී හිටං වගේ මේ රට ගැන ජිනීව වල කතා කරන එක නවත්තලා රට බෙදෙන එකත් පෙඩරල් ආනුභාවෙන් නවත්තන්න තරම් මොළේ ඇඟපුරාම තියෙන මහ රැජිනත් අත් මේස් ගලවලා අතට අත දීපු උත්තමයෙකුගේ නිල වෙබ් අඩවිය ආරක්ෂා කරන්න ඕන විදිහ හිටං අයිටී සැට් එක සෙල්ලමට ගත්තද කියලත් හිතෙනව. එහෙම වෙලා සිකියුරිටි අප්සෙට් ගිහින් හිටං ලොක්කගේ වෙබ් එක ඇතුලට අර වගේ අන්තේවාසික පොඩි එකෙකුට රිංගල හැක් කරන්න අවස්ථාව ලැබුණනම් ඉතින් හිටං තුමා උන්ට විරුද්ධවත් ඇක්සොන් එකක් ගන්න ඕනේ. අඩුම තරමෙන් හිටංගේ නෙට්වර්ක් ඇඩ්මිනිස්ට්‍රේටර්ලා මහින්ද උන්නැහේ එක්ක පාද යාත්‍රා ගිය එවුන්ද කියලා හොයන එක වන් ශොට්ට  බාර දෙන්නවත් ඕනේ. කොහොමෙන් හරි හිටංව මරන්න ආපු කොටිය නිදහස් උනා වගේ අර පොඩි එකාත් නිදහස් වෙලා මයික්‍රොසොෆ්ට් එකේ හරි වෙන ඉන්ටනැෂනල් අයි ටී කොම්පැනියක හරි ලොකු තනතුරක් ලැබේවා කියල ප්‍රාර්ථනා කරනව හිටං.

Saturday, August 6, 2016

විජයග්‍රාහී පාදයාත්‍රාව දැක බඩගිය උන් වෙනුවෙන් කනගාටුව!




උතුරේ විග්නේශ්වරන්ලාට කොලේ වහල බලය දෙන්න යන එකත් එක්ක තමන් කරන අනෙක් ජඩ වැඩ සේරමත් යහපාලනේට චන්දෙ දීපු සේරම අනුමත කොරා කියන මන්දබුද්ධික නිගමනේ ඉන්න එවුන්ගේ දැන් දෙකොන පත්තු වෙන්නට පටන්ගෙනය. එක පැත්තකින් යහපාලනේට චන්දය දීපු එකෙක් හොයාගන්නට බැරි තරම්. තක්කඩි යහපාලන බොරුකාරයන්ට එරෙහි ජනබලය එන්න එන්නම වැඩි වෙලා. ඒකේ උපරිමයට ආපු එක් අවස්ථාවක් පහුගිය අගෝස්තු 1වන සඳුදා අවසන් උන පාද යාත්‍රාවෙන් දකින්නට ලැබී තිබේ. පාදයාත්‍රාවට දිනෙන් දිනෙන් දින සෙනග එක් රැස් වී අවසානයේ මහා ජනගංගාවක් බවට පත්ව ලිප්ටන් වටරවුම වටේ විශාල ප්‍රදේශයක් ලක්ෂ ගනනක මිනිස් ජන ගංගාවකින් පිරෙද්දී ඇඳන් ඉන්න රෙද්දේම කක්කා කොරගත්ත යහපාළුවෝ හත් පොලේ ගාගන්නා ගමන් කක්කා ස්මෙල් එක පරයා යන පවර්ෆුල් ඇරෝමා එකක් හොයාගන්න අපොහොසත් වෙලාය. කට්ටියකට දත කට පූටු වෙලා. තව කට්ටියක් උන විකාරෙන් නොයෙක් දෑ දොඩවනවා. හිටන් හුටන් පුරුදු විදිහට තමන්ගේ අධෝමුඛය විවුර්ත කරලා කියල තියෙනවා රට හරියට කරානම් පාරවල් වල ඇවිදින්න වෙන්නේ නෑ කියලා. හැබැයි මුන්දැ රට කොරන විදිහටනම් මුන්දැව ගෙදර යවන්න චන්දයක් එනකල් මිනිස්සු ඉවසයිද කියලත් සැකයි. එහෙවු එකේ මේ යෝදය ගෙදර ගිය කාලෙක පාරක තොටක ඇවිදිනව තියා පුලස්තිපුරේ ගෙදෙට්ට වෙලා යහතින් ඉන්නවත් මිනිස්සු ඉඩ තියයිද කියලත් විශ්වාස කොරන්නටනම් බෑ. රටට අවංකව ආදරය කරන ජනතාවකගේ මහජන බලය විජාතික ජඩ බලයත් එක්ක බොරුවෙන් රාජ්‍ය බලය අල්ලන ඉන්න යහපාලන වෙස්මූනු කාරයන්ට යටකරන්න බෑ කියලා බංකොලොත් ජහපාලන කතා වලින්ම ඔප්පු උනා.